قنبلة من الشاعر رعد الشلال موجهه للشاعر ابن الذيب

Back


سلام حام وسام وسْلام وسلوم = موصول للدوله اماره اماره على العواصم كل حاكم ومحكوم = وعلى الصدور الواسعه والصداره ما دام ولد آوى عوى عطّل الصوم = سمّو على ملح اللحا والطهاره حدر اول السطر ارسم السهم مسموم = وعكس السهام ارسم صدور ومراره زخرف اقواس البسمله باسم قيوم = تحيه..اما بعد ..نقطه..اشاره سلام واللي غرّه ابليس مسلوم = سلسلت له حربٍ على قد ناره دف..دف..ددم..دمّامها دق يقروم = طبل المسامع دق عظمه بطاره لا صار فتل اشناب ومطاحن خشوم = تعطس ورا الحدبه دبار السعاره تبري بحبر وقمقم الحبر مختوم = والجن الازرق مرتكي بالمغاره يضرب غطاها لا اصبح الجو ملغوم = ويضغط على جسمه بخار الحراره واقرا عليه الراجفه وسورة الروم = تحصين لا ترجف زوايا جداره اسكّنه واسد عن كل زيزوم = من جن نجد لجن مسقط لواره بالجن ما احتجت لسكرتير مخزوم = يكتب لي وتبري ثقيلٍ عِياره جن الجليد اللي ورا القطب مزكوم = اذا يبون اكتبلهم في غزاره ياراكبٍ جهمٍ من الجن محكوم = طيارة الميق اقصرت عن مطاره تركبه او يركبك مع قومته قوم = لا تجنح لعرش اليمن والحضاره عرّج على ابن الذيب وارجدله علوم = نبغى مدارات الخشوم اتّشاره قلّه محيط الشعر حيتانه تحوم = من نجد جيعانه لسابع اماره تبلعك يالمرحوم وتجذفك مهضوم = ويونس نبيٍ فك ربه حصاره من راية الضلّيل امرؤ الى اليوم = جِل شِل حِل اسأل هل غسل فم باره جِل طِف شِف احذِف ضِف صِف اعز سر رز روم = لو مركز الهز بـ فمي دق زاره فرجاري افحج واطلس الشعر ملموم = واقص نصف الخارطه باستداره لو معك جن الشرق ترطن له الروم = والترجمه في واد عبقر مثاره والشايب اللي بسبع جمرات مرجوم = يردح بـ بطنك مثل ردح العْماره تبقى رقم في سبحة الشعر ملظوم = دون الآحاد وفوق خط الصْفاره جبت الفقار بنكهة الكرش مطعوم = واثّر على المعلاق كيس المراره واذا كبر عن عض الاصباع مفطوم = يحك جلد الخشم يقشط اعذاره يوم اتنحنح مدفعٍ بالع هموم = وسّعت صدرٍ ما تسعه الصداره يلوذ قلب وكبد في ضلع مقصوم = وتصير ثلثين المراجل جساره تزبن على الله تنفض اثيابها حزوم = وخشوم ينفض شَعَر غاره غباره شبك الحمام بظهرها وكوّر الحوم = لا ضمّها الشاهين يثقل طْياره طِر ضِم شبكٍ كوّر وكفت يسوم = نساه نسوٍ فك اذى رعش طاره واذا سأل عنّي قعيدٍ من النوم = بصبي عينه لقف كبر وقضاره منه البليّ اللي من التسع منجوم = حوّل على البيدا مضيّع مداره قولو ابد يوم السما زحمة غيوم = تصادمت شحنات ربح وخساره يقدح بكهرب برقها بجو محموم = صوتٍ يسبّح ويتهدم جساره والله يبن الذيب ما نهجنا توم = متخالفين من السما للحجاره

Category: Comedy
Uploaded: October 7th, 2007 @ 6:42 am
Author: alsulaiti

Length: 05:32
Rating: Whole StarWhole StarWhole StarWhole StarHalf Star
Views: 106,785

Tags: ابن الجربا الذيب الشاعر الشعر الشعراء الشلال المليون بن خليجي رعد شاعر شعر شعراء شلال عرب عربي قصيدة قصيده محمد

Related Video Links:


» View Video Comments For قنبلة من الشاعر رعد الشلال موجهه للشاعر ابن الذيب
» View alsulaiti's Other Uploaded Videos

Video Thumbnails:


Thumbnail #1 Video Thumbnail #1:
Thumbnail #2 Video Thumbnail #2:
Thumbnail #3 Video Thumbnail #3:


Video Embedding Code:


Video Url:


Embed Code:

* Embed this video on your website, social bookmark, myspace, or blog.